RUDOLPH – oorsprong van Boerevolk

Goeiemiddag Volksgenote. Ek het nog altyd ‘n groot geveg gehad om te weet waar ons Boerevolk vandaan kom. Ek was 'n geweldige voorstander van dat ons die afstammelinge is van Oud-Israel en dat ons herkoms daardeur verduister is. Ek het een groot probleem met die hele konsep gehad en dit is dat die taal wat Hebreeus is en die taal wat uit Aramees is, glad niks met die Germaanse tale wat ons voorsate is, te doen gehad het nie.

Ons Germaanse tale is anders as daardie tale, anders behou ook. Deur die jare het ek tot die ontdekking gekom deur die werk van Adriaan Snyman en verskeie ander wat die Oera Linda-boek in Afrikaans vertaal het. Daarin is gevind dat die taal wat die Oud-Friese van Atlantis se herkoms gepraat het, was Afrikaans - feitlik tot die letter. Alfabet, syfers - alles is in Afrikaans.

Nog meer belangrik was dat al die wette en instruksies van die Atlantiȅrs 100% gestrook het met ons Boerevolk se optrede sedert ons na Afrika gekom het.

‘n Bietjie agtergrond: Die Edik van Nantes is in 1598 uitgevaardig waardeur die Protestante sogenaamd vryheid van godsdiens gekry het. Dit het ook toevallig die Friese, baie van die verre Wes-Duitse en Hollandse en asook die Valdensiese groepe ingesluit wat hoegenaamd nie met die Rooms-Katolieke en selfs Oud-Testamentiese beginsels ooreengestem het nie.

Die laaste inskrywings in die Atlantis-boeke was in die jaar 1256, ná Messias. Daarom was ons dan in die tyd van die Hugenote met die herroeping van die Edik van Nantes in 1658 nog baie naby aan die gebeure wat omtrent die nasate van Atlantis plaasgevind het.

Nou, die verhaal van Atlantis is opgeskrywe ná die Sondvloed, want voor die Sondvloed het hulle nie tyd aangeteken nie omdat tyd onbelangrik was. Die een jaar was vrede en so was die volgende jaar en die volgende jaar en hulle het nie nodig gehad om geskiedenis wat redelijk stabiel is op te skryf nie. Maar hulle het hulle wette op hulle mure geskryf en dit het 100 jaar gevat vir ‘n nuwe wet om uiteindelik bekragtig te word sodat dit ook op die mure geskryf kan word.

Hulle het baie interessante wetgewing, regeringstelsel en ‘n godsdiens van een Almagtige Skepper van Hemel en Aarde geken. Nou, ná die vernietiging van Atlantis, die sinking van Atlantis, het die Friese (Atlantiȅrs) oor die hele Middellandse see getrek en Athene, Rome, Tirus, die Moneaanse beskawing en die Venesiese beskawings gestig en begin. Die Geerdt manne van die blanke Indiȅrs is ook hulle nasate en baie van die Iraniȅrs het ‘n baie groot persentasie Atlantiese bloed in hulle.

Dit gebeur lank voor die verhaal van Abraham en Isak en Jakob. Hierdie boek, hierdie geskiedenis, is opgeskryf in die boek die Oera Linda wat deur verskeie skrywers opgeskryf is, soos ek gesê het tot die laaste inskrywing was 1256. Die boek was verbied om aan priesters of ander staatsmense te wys sodat dit suiwer kon bly met die wete dat die priesterdomme vernietig altyd die geskiedenis en die beginsel en die volk waarop die beginsel gebaseer is.

Nou kom ons by die Hugenote en daarna die Duitsers en almal wat hierheen getrek het. Hulle was almal van die gebied van die heerskappy van Atlantis.

Die vind van die boek was genoem die grootste argeologiese vonds van die geskiedenis toe dit gepubliseer is in 1870, maar die Pous het dit binne 2 maande as ‘n verdigsel afgemaak – a fraudulent hoax - soos dit genoem word en geen geleerde wil aan die boek raak of die geskiedenis daarvan in hulle werke insluit nie. Maar ook die Hugenote en mense wat hierheen getrek het, was Atlantiȅrs, want hulle kon nie ‘n inslag vind in die Kaap waar die amptenare gewoon het nie.

Nou, die godsdiens wat hulle gehad het was Enkel Almagtige Skepper van Hemel en Aarde wat hulle net aangeroep het wanneer daar geen ander oplossing beskikbaar was nie. Hulle het ook geen ander volke van hul eindom beroof nie. Hulle het handel gedryf. Maar die groot ding wat gebeur het: Met die Kaapse probleem wat hulle gehad het, het hulle weggetrek en hul eie Republieke gestig en uiteindelik het Bloedrivier plaasgevind.

Die belangrike ding van Bloedrivier, Paardekraal en Vegkop is dat die gebeure wat deur ons boere daar gemaak was, het nooit die Rooms-Katolieke Drie-eenheid-beginsels in gehad nie. Dit het nooit ‘n Jesus of Heilige Gees in gehad nie, en ook het Andries Pretorius in sy boeke, die boeke van Paulus toegebind. Hierdie is uiters beduidend, want aangesien die Gelofte deur die Skepper wat aangeroep was, geëer was in al drie daardie gevalle, kan ons hierdie saak nie miskyk nie. Hierdie groep is nou gestig om dié saak tot die kern toe te ontleed en te bespreek en te bevestig dat dit wel waar is.

Voorspoed met die studie en voorspoed met die deelname aan die proses.